Shillong, Jylliew 13: Mynta ka sngi ka la don ka jingiakynduh hapdeng u myntri rangbah ka jylla bad ki briew jong ka NHAI kiba dei peit ia ka dong shatei lam mih ngi jong ka Ri India ban ia kren ia ka surok four lane kaba na Jorbad sha Umiam.
Na ka liang jong u myntri rangbah u la ong ba ia kane ka surok yn pyndep ha ka por ba la buh bad ka ta ka long ha kaba kut u bnai Lber 2014. U la ong ruh ia ki heh jong ka NHAI ba ki dei ban burom ia ka por kaba la buh.
Ha kane ka jingiakynduh ki la ia kren ia bun kiei kiei na ka bynta ban pyndep kloi ia kane ka surok bad la bthah ba ha ki jaka don ki shnong ka NHAI ka la dei ban shan ia ki lynti iaid kjat na ka bynta ban iaid ki briew.
Ha kawei pat ka liang ka jingshna ia kane ka surok na Jorabad sha Umiam la sangeh mynta la bun bnai bad dei tang ha ka 12 tarik mynta u bnai la iohi ba ki mashim kiba la shu buh ha rud surok mynta ki la sdang ban trei biang.
Nun ka ki nong peit pyrman ki la pynsngew ba ka NHAI kam nym lah ban pyndep ia kane ka surok hapoh ka 31 tarik jong u bnai Lber 2014. Na ka liang jong u myntri rangbah u dei ban peit ba kane ka kam ka dei ban iaid sha khmat ba kan nym sah teng.(SP News)
