Shillong, Naitung 29: ka National Human Rights Commission (NHRC) ka shim ba ka jingleh ia u Bah Noping Khongsit ban pynbam da ka eit ka long pyrshah ia ka hok long briew man briew kaba yn nym lah ban pdiang.
Kum ba ka la paw ha ki lad pathai khubor ia kane ka jingleh na ka liang jong ka NHRC ka la pan jingpynshai na ki bor jong ka District Adminstration bad na u SP jongka East Khasi Hills ba kid ei ban jubab hapoh saw taiew ia kaei kaba la jia ha ka shnong Mawrangkang kaba don ha Pynursla, East Khasi Hills district ha ka 20 tarik mynta u bnai.
Ka daw baroh ka long ba ka iing jong u Bah Khongsit ka la shah kynnoh menai ksuid bad naka liang jong ki pulit ki la kem ia u Rangbah shnong u Bah Kerini Khongsit, ia u Bah Thwer Tynsong, Assistant Rangbah Shnong bad ia u Jwatbor Khongmalai Secretary jong ka shnong ha ka 26 tarik mynta u bnai ha ka por ba ki leit ban aiti ia lade ha ki pulit.(SP News)
