Shillong, Naitung 17: Ki lehnoh Moist ki la sdang ban suh thied ha kane ka dong shatei lam mih ngi jong ka Ri India bad u myntri rangbah ka jylla Assam u Tarun Gogoi u la dep kren ia kane ba ka long ka jingma ia kane ka dong baroh kawei namar ki don ka jingiadei bad ka seng lehnoh ULFA bad bad kiwei ki kynhun lehnoh kane ka thain.
Na ka liang jong u Home Secretary jong ka Ri India ba mynshuwa ha ka jingwan ka jong sha Guwahati u la ong ba ka jingdon jong ki lehnoh moist ha kane ka thain kam da don eh ka jingma haduh katta katta namar kine ki lehnoh kin rung tang ha kito ki jaka ba dang duna ka roi ka par. Ka dei ka kamram jong ki sorkar jylla ba kim dei ban ai lad ba kin ioh rung.
Haba kren pat ha ka jingiadei bad ka Ri China halor ka jingiakjia pud , u la ong ba ka jingiakren hapdeng ki ar tylli ki Ri ka dang iaid ban ia pynbeit iakane ka jingeh.
U ka pynkynmaw ia ka jingkren jong u heh duh jong ka Ri China haba u wan sha India ha kaba u la ong ba ka India bad ka China ki dei ban long ki paralok kiba ia jan ha ka khaii pateng bad ka dei ka kamram jong baroh ar tylli ki ri ban ia pynbeit la ka long ha ka liang ka khaii pateng namar ka don la lad kaba bun bah ha ka liang ka roika par.
U G K Pilai u la wan sha Guwahahti ban ia shim bynta ha ka jingialang jong ka National Conference halor ka security kaba dei jong ka tand syntiat kaba kyrpang jong ka Assam Police. (SP News)
