Shillong, Nohprah 12: Ia ka Special Purpose Vehicles Society (SPVS) la seng halor ka rai jong ka iing bishar kaba ha khlieh duh jong ka Ri India na ka bynta ba kan pyntrei ia ki kam pynroi ia kaba ym bei pisa da ka company Lafarge Umiam Mining Private Limited. Kane ka SPVS ka lad jingioh pisa ban pyntrei ia ki kam pynroi dei tang na kane ka company.
U Secretary jong ka SPVS u K C Momin haba kren ha u SP News Agency u la ong ba haduh mynta na ka liang jong ka Society kam pat ioh pisa na ka bynta ban pyntrei ia ki kam pynroi ka daw ka long ba mynta ki dang pynkhreh ia ki kyndon trei kam jong ka Society, ha dienb a ki la dep kin sa phah sha ka committee ia kaba la khlieh da u Chief Secretary jong ka jylla u Bah WMS Pariat.
Ki kam pynroi kiba la pynkhamti ha kane ka Society ba kan pyntrei kam ki long, kum ka rep ka riang hapoh kane ka bynta ki don bun ki lad jingiarap na ka bynta ki nongrep, ka pule puthi ha kane ka bynta kam mud ba kin seng skul hynrei ban kyrshan ia ki samla pule kiba stad ban leit pule sha bar ka jylla. Ba ai jingsumar iaki briew ha ka liang ka koit ka khiah.
Na ka liang jong u Secretary u la ong ba kane ka society wad la ka shaniah ia ka jingioh pisa na ka Lafarge Company hynrei kane kam don jingiadei ei ei ruh em bad ka company. Ia kane ka society la thaw da ka sorkar jylla halor ka rai jong ka iing bishar kaba ha khlieh duh jong ka Ri India.(SP News)
