Shillong, Nohprah 03: Ka Reserved Bank jong ka Ri India ka la ioh bun ki jingujor na ki paidbah ha kine ki sngi ba bun bah ki briew kiba la ngop ha ka jingtyrwa pisa jong ki riew shim kabu da kaba ong ba ki la jop ia ki jingiakhlai nusip ki bun phew klur tyngka bad kine ki briew ki da pyndon kam ruh ia ka kyrteng jong ka RBI.
Na ka liang jong ka RBI ka bthah ia ki paidbah ba lada ki ioh ia kum kitei ki jingpynbna ha ki Email address jong ki lane ha ki message lyngba jong ki mobile kim dei ban pdiang ki dei ban kyntait mar dor ia ki namar ba ki l
ong kiba shuthok bad shukor jong ki briew kiba khwan myntoi shimet.
Haba ia dei bad kane ka jingshukor jong ki briew kiba ym lah ban tip na ka liang jong ka RBI ka ong ba ki paidbah ki dei ban husiar ia kum kine ki ei kei namar buh bah ki briew ki la siew pisa da ki bun phew hajar tyngka bad ha kaba khatduh kim ioh ia kaei kaba ki shah tyrwa.
U ophisar ba dei peit ia ka tnad jong ka RBI kaba don ha Shillong uhaba kren ha u SP News Agency u la ong ba ka RBI kam juh buh ia ki account jong ki riew shimet, ki company ne jong ki kynhun, Ka RBI kam juh ong ia ki briew ba kin thep pisa ha ka account jong ka.
Na ka liang jong u tei u ophisar u la ong ba na ka liang jong ka RBI ka la bthah ia ki paidbah ba lada ki ioh ia kum kitei ki jingpynbna lyngba jong ki email lane ki message ki dei ban pyntip sha ka RBI lyngba ka website (www.rbi.org.in). Ki paidbah ki lah ban leit ban mudui ia kum kine ki ei ei sha ki pulit.SP News)
