Shillong, Nohprah 13: Ia ka tamasa kaba ar sngi ia kaba la tip kum ka snem jong ki samla la sdang mynta ka sngi ha Ri Bhoi District ia kaba la plied a u Bah DD Lapang MLA jong kastei ka jaka ha Pahamsyiem NSCA Mini stadium, Nongpoh.
Ha ka jingkren ka jong u kum u kongsan ha kane ka sngi u la ong ba ka district ka don shibun ki soh ki pai ki mar poh khyndew kiba ka mariang ka la ai bad kane ka district ka dei kaba la kyrkhu kyrpang ha kaba ia dei bad ka jingsboh jong ka jaka bad u la ong ba ki samla ki dei ban kylla ka jingmud jingpyrkhat ym ban ap tang ia ka kam sorkar bad lada ki kwah kam sorkar ruh kid ei ban wad ha dien ba ki la pyndep ia ki jingpule ka jong ki.
U tei u MLA jong katei ka jaka u la ong shuh shuh ba dei ban ialeh ban ia beh bad kane ka jingkylla kane ka juk kaba mynta ha ki liang baroh khlem da klet ia la ka jong ka tynrai ka jong ki.Kumba ka long mynta ka Ri Bhoi ka don kam ia ka jingpynjyrngam biang sha shisien namar ki lum kila syllen lud khoit. Don kam ban pynneh pynsah ia ka mariang.
Ha kaba sdang ka la don ka jingiamareh marathon na ka bynta ki shynrang bad ki kynthei kaba la sdang na ST. Paul’s School sha Pahambir. Ha kane ka sngi ki la don ki jingiakop dro dur, ka jingshet ja tynrai bad kiwei kiwei dei ki jingpyninam ha kane ka sngi.(SP News)
