Shillong, Nailar 09: Ka seng BJP jong ka Meghalaya State Unit ka la kynthoh jur ia ka jingdkhoh ia ka jingtrei kam jong ka tnad sam marbam mardih hapoh kane ka jylla Meghalaya.
U nongai kti jong ka seng u Dipayan Chakraborty u la ong ba ki paidbah ha ki nongkyndong kim shym la ioh jingmyntoi ei ei ruh em bad kiba ioh khyndait ki dei tang ha East Khasi Hills ka seng ka la dep leh ia ka jingjurip ha kane ka liang.
Haba ia dei bad ka jingpynduh noh ia u shni rashon da ka sorkar pdeng u la ong ba kane ka sorkar kaba la ia lam da ka seng Congress kam shym la pyrkhat ia kiba duk ba rangli kane ka jingpynduh ka long na ka bynta ka jingmyntoi jong ki heh spah.
Ha ka jingshisha ka la dei ban pynbun ia ka bhah namar kine ki jylla jong ka ong shatei lam mih ngi jong ka Ri India kynthup ia ka jylla Meghalaya kim dei ki jylla ba pynmih ia u shini. Ka jingaiti sha ki jylla ban thied hi ia u shini khamtam ka jylla Meghalaya kan nym lah ban leh.(SP News)
