Shillong, Naiwieng 23: Ka Seng Khasi ha kane ka kynti kaba mynta ka la rakhe ia ka jingdap jong ka 113 snem naduh ba la sdang ban pynim ia ka. Ha kine ki snem baroh ka la lum la lang ia ki para kur para kha bad hikai ia ki halor ka nongrim jong ka niam tynrai naduh ka tip briew tip blei.
Nalor kitei ki jinghikai ka seng khasi ka tehsong ruh kumno ban hikai ia ki long dien ban pynneh pynsah ia la ki jongki riti ki dustur kiba la ai pateng naduh ki por mynshuwa da u longshuwa man shuwa. Ha ka jingwan jong ki bor synshar na Shiliang duriaw ka la pynkylla lut ia ka jinglong tynrai.
Ki khraw pyrkhat bad kiba ieit 
ia la ka jong ka ri bad ka jaidbynriew bad ban bat skhem ia la ki jong ki riti ki dustur, ki khathynriew ngut ki riew rangbah ki la ieng bad ban kyrsiew thiah ia ka jaid bynriew kaba la jan shah ialam bakla ha. Dei ha kum kane ka sngi ba la seng ia ka seng khasi.
Ha kane ka sngi da ki phew hajar ki para kur para kha kiba la wan na kylleng ka bri jong u hynniewtrep ki la ia tuid sha madan weiking ban pynpaw ia la ka jong ka tynrai bad ki dang bat ia la jong ka niam ka rukom. Shuwa ban sdang ia ka jingleh burom baroh ka la don ka duwai ka phirat ha Madan weiking.
Ha kane ka sngi ki la don ruh shibun ki jingialehkai halor rynsan ha kaba baroh ki la kren ia kawei ka phang kata ka long ka jinglong kyrpang kum ka jaid bynriew bad ban pynpaw sha ka pyrthei ba dei ban bat skhem ia la ka jong ka tynrai.(SP News)
