Shillong, Jylliew 05: Ka Shillong Press Club mynta ka sngi kala pynrem jur ia ka seng lehnoh GNLA kaba la byrngem ia kawei na ki nongthoh khubor kaba paw na Garo Hills ka Alva Sangma, ka Editor jong ka kot khubor Achik Songbad.
Haba pynrem ia ka jingpyniap bein jong ka seng GNLA ia kawei ka long kmie ha South Garo Hills, ha ka juh ka por na ka liang jong ka seng ki nongthoh khubor ka Shillong Press Club ka ieng ha ka liang jong ka Alva Sangma bad ka ai ka jingkyrshan ia kane ka nongthoh khubor kaba la leh ia la ka jong ka kam jong ka khlem da ia shah liang.
Ha ka juh ka por la kyntu ia ka seng lehnoh GNLA ba ka dei ban kiar na kine ki jingbyrngem, ha kane ka por ka SPC ka pynkynmaw ia lade ba ka kam jong ki nongthoh khubor ka long ban ai jingtip sha ki paidbah khlem jingtieng ne jingriej la ia ka sorkar ne kino kino ki bor.
Kumba ka ki nognthoh khubor kila pynmih ia ki khubor jong katei ka seng haba ka kwah ban wan sha ka miej jingiakren ia suk bad kiwei kiwei ki khubor jong ka ruh, kumta ka seng lehnoh GNLA ka dei ban kiar na ka jingbyrngem ia ki nongthoh khubor.(SP News)
