Shillong, Nohprah 08: Ka seng ka Thma-U-Rangli-Juki (TUR),ia kaba la tip ruh kum ka a progressive people’s organisation, kan pynlong ia ka jingialang paidbah ha ka 10 tarik mynta u bnai ha ha khyndailad ban pynshai paidbah ha kaba ia dei bad ka ain yakjakor ka Meghalaya Preventive Detention Act (MPDA) bad ka Meghalaya Maintenance of Public Order Act (MMPO) kane ka long shibynta ban rkahe ia ka sngi burom ia ka hok long briew man briew, kane ka jingialang kan long ha ka por 2 baje noh phai sngi.
Kane ka jingialang paidbah kaban long ha katei ka sngi kan long ban pynshai ia ka jingleh don bor jong ka sorkar ha kiba bun ki liang, hynrei ki mat kiba ha khmat eh kaba ki nongkren kin kren ha katei ka sngi kin long halor ka jingshah kyndang ia ki ha Umsawli ha ka sorkar, ka jingjiap jong ki briew hapoh thanad, ka jingbut dien ia ki riew shimet, ka jingpyrshah ban khang ia ka hok ban kren bad ka jingshah pyniap klep jong ki briew ha ki jingkam ba don ka jingiasiat.
Ha kane ka sngi yn pymnshai paidbah ba kumno ia ka hok long briew la pynkhein da ki bor jong ka ain, da kaba pyndon kam ia ka ain MPDA, MMPO bad kine ki ain kumno ki ktah ia ki ain kiba dei ban iaid lyngba ki iing bishar.
Ka jingkam jong ka sorkar ban ong ba ka ain MPDA, MMPO kin long ki lad ban iai da bad ban khanglad ia ki jingiakhih ka long ban wanrah ia ka shong suk shongsain ka long kaba ym lah ban pdiang namar la iohi ba ia kane ka ain la pyndon kam bakla la kynnoh ka TUR.
Ka Tur ka ong ba ka jingdon kum kine ki ain suki jai kan ktah wat ia ki iing kashari kiba don burom, namar ki paidbah kin nym ban kren ei ei ki sngap jar kaba ki briew kiba don ha ka bor ki ialeh katba lah ban pyndon kam ia kine ki ain na ka bynta ka jingbit jingbiang ka jong ki la ther ka TUR.(SP News)
