Shillong, Naiwieng 23: Ka jingrakhe ia ka seng kut snem mynta ka sngi da k
a seng khasi la sdang da ka jingduwai jingphirat ha phyllaw jong ka seng khasi ha Mawkhar, ha kaba da ki spah ngut ki paidbah kila ia don lang ha kane ka ngi.
Ha kane ka por step bas dang ia ka jinglehniam la don lang u MP jong ka Lok Sabha u Tarun Vijay, ha ka jingkren jong u u la ong ba kam don kano kano kaba khram khraw na kaba but ia kaei kaba ki long shuwa ki la ai, kane ka jingbut dien ia kaei kaba la ioh pateng ha kane ka jaka kaba kyntang bad ban leh ia kane ngi hap ban pynshisha ia lade ba ngi long kiba bit bad dei ban burom ia ka.
Na ka liang jong u tei u MP u la ong ba lada ngim burom ia ka jinglong kaba kynsai ha ka jinglong briew bad ia ki riti ki dusur. U la ong ba ka jingialeh jong ka seng ka dei ka jignialeh kaba khraw ban pynneh pynsah ia la ka jong ka riti ka dustur ha kane ka jylla Meghalaya, kane ka jingpynneh pynsah ia ka tynrai la jong dei ban don ka jingithuh ban iada da ka ain na ka riti synshar jong ka Ri India.
Ha kane ka sngi u la ai ka jingkular ba ki don ha Delhi bad ki kloi ban ai ka jingkyrshan, u la ong ba lada don tang u wei u briew u ba ieng skhem hala ka nongrim ka la biang ban jop pyrshah ia ki shi million ngut ki riew sniew. U la ong wat don kano ka jingsngew ba phi long ki rit paid na mar kane ka jingpynneh pynsah ka jong phi ia la ka jong ka tynrai ka long kum ka jingiewbih ha ka ri India, khlem ma phi ka ri India kan long kaba khlem riti dustur
Ha kane ka sngi na ka liang jong u Tarun Vijay u la noh syniang ruh shilak tyngka sha ka seng khasi ban thied ia ki kor computer na ka bynta ka skul kaba ki don.ha kane ka sngi la don bun ki nongialam jong ka seng ha ryngkat ki samla sambhoi.(SP News)
