Shillong, Jan 14: Ka Shillong Lajong FC kan sdang ia ka jingialehkai jong ka ha ka Federation Cup pyrshah ia ka Salgoacar FC ha Cochin ha ka Group C ka jong ki la shai ka sngi bad ka jingialehkai kan sdang ha ka por saw baje jan miet bad ia kane ka jingialehkai yn pyni ha ka chanell Ten Action.
Ka Shillong Lajong FC ka don ha ka kynhun kaba eh bha namar ka don lang ka team Mohun Bagan kaba la jop 13 sien lynter ha kane ka Federation Cup kiwei ki team ki long ka Goan bad ka Salgoacar FC ruh ka la jop saw sien ia kane ka jingialehkai ha bad ka don ruh ka team Mumbai FC.
Na ka liang jong u Coach Thangboi Singto u la ong ba kane ka jingialehkai kla shai ka sngi ka long kaba heh bha bad kan long ka jingialehkai kaba eh bha hynrei ki don ka jingkyrmen ba kin sa leh bha namar ba ki la juh ia kynduh teng ia kane ka team kaba kin sdang ia ka jingialehkai la shai ka sngi. (SP News)
