Shillong, Naitung 28: Ka tand Commerce bad Industries Department jong ka sorkar jylla la long kumno kumno ruh ka don ia ka bor jong ka ha kaba ia de bad ka Meghalaya Industrial Development Corporation (MIDC) kaba don ha “Kismat” Upland Road, Laitumkhrah, ha kaba la don ka jingialeh sop sop ha kaba thung kam thungjam katkum ka jingsngewbit jong u Managing Director (MD).
Na ka liang jong u Commissioner & Secretary jong katei ka tnad sorkar ka la hukum ia ka MIDC katkum ka shithi number : IND 90/2013/15 ha ka 18th Jylliew mynta u snem ban weng noh ia ki saw ngut ki nongtrei kiba la shut hung kumto khlem leit ha ka lynti kaba dei hynrei kine ki briew ki dang trei haduh mynta.
Kine ki saw ngut ki nongtrei ki long u Bah K P Shilla, u Bah Balam Kyndiah, ka Bansiruk Chyne bad ka Liful Mary Wahlang. Ia kane la pynshisha da u Bah Gerald Kyndiah Deputy Genenral manager.
U Bah Hawaiki Kyndiah, MD jong ka MIDC u la ong ba ka Board jong ki Directors ka la ia kynduh ha ka 18 tarik mynta u bnai bad kane kakam ka dang sah kum juh namar la phah biang ia kane ka kam sha ka sorkar.
Katba na ka liang jong ka Commerce & Industries u Bah W Langstang Director u la ong ba u la dep ban ai ia ka kaiphot jong u sha ka sorkar la kumba shitaiew ei ei mynta bad mynta ka shong ha ka sorkar ban shim ia ka rai.(SP News)
