Jowai, Jylliew 20: Ka kam Deputy Chief Executive Member bad ar ngut ki Executive Members hapoh jong ka Jaintia Hills Autnomous District Council ki dang thylli haduh la ar bnai tam mynta na ka daw ba kine ki kyrteng ki dang sah kut ha ka ophis jong u Chief Minister.
Ki thymmei khubor ki iathuh ha u SP News Agency ba na ka liang jong u CEM jong ka JHADC u la phah ia ka kyrteng jong ki lain gut ki MDC sha ka DC(A) ba kan ai ia ka jingmynjur ia ki lai ngut ki briew ban pyndap ia ki shuki ba dang thymmai hapoh jong ka JHADC.
Kine ki kyrteng kiba la phah da U CEM ki long u Bah KM Lytan kum u Deputy Chief Executive Member, u Bah Amos Dkhar bad u Bah A H Darnei kum ki Executive Members. La ong ba haduh mynta kine ki kyrteng ki dang sah ha ka ophis jong u Chief Minister.
La ong ba ka shnong mynta ha ka tnad DC(A) ba kan phah sha u Lat jong ka jylla ban ioh ia ka jingmynjur ka jong u khnang ba kitei ki lai ngut ki kyrteng ki lah ban shimti noh ia ka kam kum ki EM jong ka JHADC.(SP News)
