News Delhi, Jymmang 30: U myntri ka sorkar pdeng u ba dei peit ia ki kam pynroi nongkyndong u Gopinath Munde u la ong ba kane ka sorkar kaba mynta kan sa pynrung ia ka kyndon kaba thymmai ha ka skhim MGNREGA ban pynshitom ia kito kiba pynslem ha kaba siew ia ka bai bylla jong ki nongtrei.
Haba kren ha ki nongthoh khubor na ka liang jong u myntri u la ong ba ka sorar kan nym map iano iano ruh lada pynslem ban siew ia ka bai nongtrei bad ka sorkar kan pan ia ka kaiphot kaba man u bnai bad ka jingpyntrei kam ia kane ka skhim kan long kaba khuid ba suba.
U myntri ka sorkar pdeng u la ong ba shen yn sa khot ia ka jingialang ki myntri jong baroh ki jylla ban ia kren ia kane ka kam, ia kane ka skhim pynroinongkyndogn dei ban pyndon kam ia ka ha kaban kyntiew ia ka ioh ka jong ki nongkyndong ha baroh ki liang.
Ha kaba ia dei bad ka skhim Indira Aawas Yojana, ban shna iing ia kiba duk u myntri u la ong ba ha kane ka liang ruh ka sorkar kan sa pynrung ia ki kyndon thymmai namar kiba bun kiba dei ban ioh ia kane ka skhim dei kiba trei bylla sngi.
Haba ia dei bad ka jingshim jaka ka sorkar kan nym shah ban shim kumta khlem da siew ia ka bai jaka bad dei ban ai jaka sah ia kiba shah shim noh ia ka jaka jong ki kane ka sorkar kan sa wanrah ia ka ain kaba thymmai ha kaba ia dei bad ka rukom bat khyndew na ka bynta ki karkhana la ong u myntri kane ka long katkum ka jingphah khubor ka tand pathai khubor jong ka sorkar pdeng.(SP News)
