Shillong, Jymmang 29; Ka long ka sien kaba nyngkong ia ka jylla Meghalaya ban jop haduh 26 tylli ki medals ha ka jingialehkai ha ka National Games naka bynta jong kiba annaia kaba la pynlong da ka All India Council of Deaf ha Aurangabad.
Ki khynnah pule jong ka Ferrando Speech and Hearing Centre, Ri Bhoi kiba la mih khmat ia ka jylla Meghalaya ha katei ka jingialehkai ban ia khun bad kiwei ki khynnah na kiwei ki jylla jong ka Ri India ki la leh bha shibun da ka jingai jinghikai jong ka Army Madras Regiment.
Kane ka regiment kala ai jinghikai ia ki 15 ngutki samla pule jong kateika skul kaba shim ban hikai kyrpang ia kiba anna khnang ba kin lah ban ia shimbynta ha ka jingialhkai kaba la tip kum ka Silent Olympiad ha Mumbai bad ka national games ha Aurangabad.
Kane ka long ka sien kaba nyngkong ba kane ka skul ka la ioh bun eh ki takma bad kane ka skul kan ialam ia ka Ri India sha ka jingialehkai Olympics jong kiba anna ka banlong ha ka Ri Bulgaria. (SP News)
