Shillong, Risaw 21: Ki nongkren baroh kiba la ia shim bynta ha ka jingi
alang kaba la pynlong da ka ICARE ha khyndai lad ban pyrshah ia ki jingpakhang shnong ki la pynpaw ba ka sorkar ka dei ban pynjem bad kum juh ruh na ka liang jong ki seng bhalang bad ba ka dei ban don ka jingiakren namar ka phang pdeng ka long kumno ban iada ia ka jingwantuid jong ki briew kiba na bar.
Ha ka jingkren jong u Bah Toki Blah President jong ka ICARE u la ong ba kim pyrshah iano iano ruh ba kin don ha kano kano ka seng, lane ba kin pynpaw ia ka jingsngew kajong ki hynrei ban don khah khah ki pakhang shnong ka ktah ia ki paidbah.
Haba ia dei bad kane ka jingiakhih ia ki seng bhalang u la ong ba ka sorkar ruh kam dei ban pyneh ba tang ka Tenancy kaba lah ban iada ia ka jingwan tuid ki briew ba nabar lane ki seng bhalang ruh kimd ei ban pynneh ba tang ka ILP kaba lah ban iada.
Baroh kitei ar tylli ki don la ki jong ki jingduh nong bad ki jingmyntoi, ka la dei ban don ka jingiakren ban wad ki lad ki lynti kumno ban iada na ka jingwan ki briew kiba nabar lada kam dei ka ILP ne ka Tenancy hynrei ka dei ban don da kawei, ha kaba ia ki bym dei trai shnong hynrei kiba la im la kha hangne ruh ym lah ban pdiang lang.
Haba ia dei bad ka jingong jong ka HNLC ba ka ICARE ka dei ban kren ia ki kam bamsap, u Bah Toki Blah u la ong ba ka seng ka pdiang ia katei ka jingai jingmud jong ka seng HNLC. Haba ia dei bad ka Bamsap u Bah Blah u la ong ban ia khun pyrshah ia kane ka long ba ki paidbah kim dei ban shim pisa ha ka por election.
Kiwei ki nongkren ki la pynpaw ia la ki jong ki jong ki jingsngew ha kaba ia dei bad kane ka jingkhot pakhang shnong kaba khah khah, hynrei ki pynpaw ia kawei la phang ba don kam ban aida na ka jingwan tuid jong ki bar jylla sha kane ka jylla ban iada ia ka jaidbynriew.(SP News)
