Shillong, Naiwieng 07: U Chief Executive Member jong ka Khasi Hills Autonomous Dist
rict Council (KHADC) u Bah PN Syiem u la ong ba ia ka jingialang kaba la pynbeit ban long ha ka 11 tarik ban ia tyrko halor ka Inner Line Permit la pynsangeh shuwa.
Haba kren ha ki nognthoh khubor ha kamra trei kam jong u, ka daw jong ka jingpynsngeh ka long ba ia katei ak kam phang hap ban ia kren shuwa para MDC, ki khlieh nongsynshar ban phylliew jingmut lang bad kin sa leit sha u paidbah.
Na ka liang jong u CEM u la iathuh ba ka Excutive Committee ruh baroh ka wei ka sngew khia halor kane ka jingiakhih jong ki sengbhalang, u pynshngain u la ong ba ka sorkar ka dei ban khot iakren ia ki sengbhalang lada ka long da kano kano ka lynti ruh , khnang ban lait na ki jing eh bad kan don ka jingia sngewthuh jingmut hapdeng ka sorkar bad ki sengbhalang lym kumta kan ym poi shano shano ruh.
Kane ka jing ia khih jong ki sengbhalang ba ki dawa baka sorkar kan pyntrei iaka inner line permit haka jylla Meghalaya ka iaid la kumba arbnai ei ei,kumta bun na ki kynhun balang bapher bapher kila kyntu iaka sorkar ba la kumno kumno ka sorkar ka dei ban khot ban ia kren ia ki sengbhalang bad ban don ka jingia sngewthuh jingmut hapdeng jong ki khnang ba kan wan rah ia ka jingbha bad ka shong suk shong sain,namar kane ka jingiakhih ka la ktah shibun ia ki paidbah .(SP News)
