Nongstoin, Nailar 14: Ka Hynniewtrep People Social Organisation (HPSO) jong ka West Khasi Hills District ka la pynpaw bad ha ka juh ka por ka kyrpad ia ka sorkar ba ka dei ban pyntip paidbah ia ki skhim sorkar lyngba ki lad pathai khubor.
Kaei kaba ka seng ka sngew don kam eh ban ong ba bun na ki nongkyndong kim tip ia ka ktien nongwei ban sngewthuh bad ban tip paidbah ia kaei kaba ka sorkar jylla ka don ban ai sha ki paidbah ka dei ban pynbna paidbah da ki jingthoh ha ka ktien khasi.
Na ka liang jong ka HPSO ka sngew ba katei ka thian ka sngewkhia ban iohi ia ki paidbah haba phai sha ki thain nongkyndong ne wat sha sor ba ki don ha ka jinglyngngoh bad sah umdum ha kaba kim tip ia ka hok lane ka bhah kaba ki dei ban ioh lyngba ki tnad sorkar kiba don ha kane ka thain jong kane ka District la ki dei ki scheme ne ki grant in aid bad kiwei kiwei de.
Kumta na ka liang ka Seng ka buh ka jingkyntu ia kine ki tnad sorkar ba kin pyntip paidbah lyngba ki ko’tkhubor lane lyngba ki poster da ka ktien khasi namar bun na ki kup shilliang ki sem shilliang kirn tip lada pynmih da kiwei pat ki jaid ktien tang ka ktien khasi ka khamsuk bad kan pynsuk ia ki paidbah ba kin wan ban ruh sha kine mih sha kine ki tnad bad ioh ia la ka jong ka bhah lane ka hok jong ki kumba ka sorkar jylla laneka sorkar pdeng ka la bhah kyrpang sha kine ki tnad sorkar.
Na ka liang ka Seng ruh ka kyntu ruh ia ki paidbah jong kane ka thain ba ki leit mih sha kine ki tnad sorkar ban kylli ia ki kaei kaba ki dei ban iohi lyngba kine ki , tnad sorkar bad na ka liang ka Seng ruh kan nang iai peitngor ban buddien kaei kaba kine tnad ki leh na ka bynta ki paidbah nongshong shnong jong kane ka thain la ong u president ka seng HPSO ha ka kyrwoh kaba la phah sha ki lat pathai khubor.(SP News)
