Shillong, Jymmang 23: Ka seng FKJGP jong ka shnat East Garo Hills mynta ka sngi ka leit ban ai ia ka dorkhas sha ka myntri kam poh iing ka jylla ka kong Roshan Warjri.
Ha kane ka dorkhas ka FKJGP kala pynpaw ia ka jingsngewdiaw ka jong ka ban iohi ba ki kam leh beijot ki la jyllei bha ha kine ki khyndait bnai kiba la leitnoh. Ha kane ka dorkhas ka seng ka la dawa ba ka sorkar ka dei ban shim khia ia kane bad ka dei ban ai jingiarap ia kito kiba ngat ha kane ka apot.
Haba kren ha ki nongthoh khubor ha dien ka jingiakynduh ia ka myntri sorkar FKJGP Williamnagar Zone president U Sengseng N Marak u la ong ba ki la dawa na ka sorkar ba ka dei ban don ia ki ain kiba pyrkhing ban pynshitom ia ki nongleh beijot.
Na ka liang jong ka FKJGP ka la dawa ba ia ka dei ban pynbha ia ka Forensic Laboratory na ka bynta ban bniah haka rukom tohkit, la ong ruhb a dei ban pynbun ki pulit kynthei ha Williamnagar.
Ha kane ka jingiakynduh ki la dawa ba dei ban buh noh ia ka Fast Track Cout ha East Garo Hills District. Ki doctor bad ki pulit ki dei ban da phikir bha ban peit ba ia ki sabut yn dei ban pynjah klet. Ka por ka la dei ban ai ki lad jingiada naka bynta ban ai jingshngian ia ki kynthei.(SP News)
