Nongstoin, Jylliew 07: Ki paidbah jong ka thain Wahkaji ki la dawa na ka sorkar ba ka dei ban shimtinoh ia ka PHC kaba don ha Wahkaji na ka UCIL kaba la pyniaid ia ka kotto katne snem mynta. Kane ka jingdawa na wan ha dien ba ka UCIL kam shym la lah ban buh ia u Doctor ha katei ka jaka ha dien ba la shongthait noh u ba don mynshuwa.
Ka jingdawa jong ki paidbah ka long ba ki paidbah mynta ki ia kynduh bun ki jingeh ban ioh ia ka Birth Certificate n ka bynta ki khun ki kti jong ki namar bay m shym la ai bor ia u doctor jong ka UCIL ban ai Birth Certificate.
U Bah H Sangriang u wei na ki nongshong shnong ba kham paw na katei ka jaka u la ong ba kane ka jingbym lah jong ka UCIL ban buh ia u Doctor ha katei ka jaka ka la buh ia ki paidbah ha ka jingeh bad ha ka juh ka por ki paidbah lada ki kwah ban ioh ia ka birth certificate ki hap ban leit sha Nongstoin.
Halor kane ka jingdawa jong ki paidbah na ka liang jong ka tand ka koit ka khiah jong ka sorkar jylla ka la btah ia ka UCIL ba ka dei ban pynphai noh ia katei ka jaka ai jingsumar khnang ba ka sorkar kan lah ban buh ia ki doctor na ka bynta ka jingdon kam jong ki paidbah.(SP News)
