Shillong, Nailar 21: Ka seng MPHRC ka la dawa na ka sorkar ba ka dei ban wanrah noh ia ka ain pyrshah ia ki jingngeit biej bad ka dei ka kam jong ka sorkar ba ka hap ban leh ia kane kum kawei ka lad jingiada ia ka hok long briew man briew.
U Bah Dino D G Dympep ha ka kyrwoh kaba u la phah mynta ka sngi u la ong ba ka seng ka pynrem jur ia kaei kaba la jia ha smith ha kaba lai ngut ki breiw ki la duh ei Ia ka jong ka jingim ha ka kti jong ki paidbah. Ka seng ka kyntu ia ka sorkar ba ka dei ban wad ki lad jingiada bad ban pynshitom ia kiba don kti.
Haba pynpaw ia ka jingsngewdiaw halor kane ka jingngeit biej, u bah Dino u la ong ba ha India ki don ki ain kiba shna da ka sorkar pdeng bad kiba shna da ka sorkar. Ka jingbym don ia kane ka ain na ka liang jong ki bor jong ka ain ki la shu sah ha ka umdum.(SP News)
