Shillong, Lber 19: Ia ka jingialang ban pynkut ha kaba ia dei bad ka jingai jinghikai ia ki briew ha kaba ia dei bad ka koit ka khiah ia kaba la iaid mynta la lai bnai linter la pynkut mynta ka sngi ha Shillong. Ha kane ka jingialang la ia kren ia bun kibynta kaba la leh ha kine bnai kiba la leit noh.
Baroh ki shnong kiba la ioh pdiang ia kane ka jingai jinghikai kumno ban sumar khuid ban ioh ia ka jigkoit jingkhiah kila poi sha ka 173 tylli bad baroh ki jingialang paidbah ki long 78 sien. Ia kane ka jingai jinghikai la kyrshan da ka tnad ka koit ka khiah jong ka sakar pdeng ha kaba la pyniaid da ka tnad pathai khubor jong ka sorkar kmie.
Ha ka jingkren jong u Bah K W Marbaniang Secretary ka tnad ka koit ula ong ba kum kine ki jinghikai kaba kongsan eh ka dei ban poi sha ki paidbah ha ki shnong ki thaw ryngkat ka jingiashim bynta lang jong ki paidbah. Ha kine ki kyndait snem kiba la leit noh ka pynshlur ia ki riew shimet ban wan sha khmat ban ia don bynta lang ha ka koit ka khiah ha ka dur jong ka “ Private Public Participation”.
La iathuh ba ha kane ka jylla Meghalaya baroh ki don 108 tylli ki Public Health Centre bad 29 tylli ki Community Health Centre, ha ka juh ka por na ka snem sha ka snem ki la mih bun ki skhim kum ka HNRM bad kiwei n aka bynta ka jingmyntoi jong ki paidbah.
Kiwei kiba la kren ha kane ka jingialang ki long u Dr Haen Doley regional Director ka tnad ka koit ka khiah jong ka sorkar pdeng, ha ka jingkren ka jong u la ba dei ban ia leh kumno ban ia da na ka jingdih duna ha ka rta kaba dang rit.
Ka Dr MRS E Shullai Joint Director, MCH & FW, Govt. of Meghalaya ka la ong b aka kam kaba ha khmat eh ka long ban iada ia ka jingiap jong ki khunlung kumba ka long mynta naduh u snem 2009 ka la hiar na ka 59 sha ka 52 ngut. Kaba kongsan ka long ba kine ki jinghikai ka dei ban poi sha kito kiba dei ban ioh ia ki jingiarap na ka sorkar.(SP News)
