Ka sorkar ka la shim bun ki lad ki lynti ban iada ia ka jingwan tuid ki mynder Ri: Dr Laloo

Tura, August 15: ka jingrakhe ia ka sngi lait luid jong ka Ri India kaba 67^th la pynlong mynta ka sngi ha MP Stadium ha Tura ha kaba u myntri symbut jong ka sorkar jylla u Dr R C Laloo u la pynher ia ka lama jong ka Ri India ha kane ka jaka.

Haba kren ha kane ka jingrakhe ia kane ka sngi kaba khraw na ka liang jong u Dr laloo u la ong ba  “kane ka dei ka sngi kaba ngi kynmaw burom ia ki riew khlraw jong ka Ri kiba la aiti ia lade na ka bynta ban ioh ia ka jinglait luid na ka kti jong ki nongwei”.

Na ka liang jong ka sorkar jylla ka la shim ba ka jingwan rung jong ki mynder ri ha kane ka jylla ka dei kawei na ki mat kiba ka sngew khia, ban iada na ka jingwan tuid jong ki mynder ri ka sorkar ka la shim bun ki lad ki lynti ban iada.

Ha kane ka sngi na ka liang jong u myntri u la batai ruh ia ki skhim bapher bapher kiba ka sorkar ka don ban leh na ka bynta jong ki paidbah bad kumno ban kyntiew ia ka ioh ka kot ha ki liang baroh.

Ha kane ka sngi ki la don ruh shibun ki jingialeh kai ban pynsngewtynad ia ki paidbah bad ki la don ki kynhun nongtem ban pynbyerngia bad ban pynlong ia kane ka sngi leh kmen kaba jop.

Ha kane ka sngi u myntri ba dei peit ia ki kam ialehkai u  Zenith Sangma u la pynher ia la lama jong ka Ri India ha Resubelpara jong ka North Garo Hills katba u myntri ka tnad ka koit ka khiah u bah A L Hek u la pynher ia la lam jong ka Ri India ha  Dadenggre.(SP News)