Shillong, Naiwieng,10:Ka KSU ka pynrem jur ia kaei kaba la jia ha Umsawli kane ka jingleh jong ka sorkar kadei ka jingthombor im im peit peit ia ki trai jylla bad ka jingleh ka sorkar kadei ka jingleh riewkhlaw bad ka kham palat ban ia ka jingleh jong ki lehnoh. ngi na ka liang ka seng ngi pynrem jur ia kane ka jingleh ka sorkar bad na ka por sha ka por ka ju thombor tang ia ki trai jylla bad hakajuh ka por ngi pynrem ia ka jingkem ka sorkar ia ka kong Agnes kaba leit na ka bynta ban kren ia ka jingeh jong ki paidbah katei ka thain kiba dei ki duk ki rangli hynrei ka sorkar kala kem pynban ia I kong Agnes. Kane ka pyni ba ka jingleh ka sorkar kadei ka jingthmbor bad ka jingiuhroit ia ki trai jylla na ka por sha ka por.
ka jingkylli kaba ngi buh ia ka sorkar ka long “Hato ka sorkar ka leh aiu ia kito ki jaka kiba ki bar jylla ki shah be-ain kiba long ha Them metor, Polo Sawfurlong bad ter ter” Ngi ioh ba na ka por sha ka por ba kine ki jaka kiba sah beaiñ kine ki bar jylla ka sorkar ha ka jaka ba kan khynra ne pynpra hynrei ka ai pynban ia ka jingiada katba ia ki trai jylla ka leit ban pynpra bad pynjot ia ki iing ki sem bad ka paw shai kdar ba ka sorkar kala phah leit pynpra ia kine ki jaka khlem kano kano ka hukum(Order) bad kala shu thombor im im peit peit bad ka jingpynjot ia ki iing ki sem kiba ki trai jylla ki sah.
Ka seng kam lah shu ban shu sngap ia kum kine ki jingjia kiba jia man la ka por bad ngi pynrem jur ia kane ka jingleh ka sorkar, shuh shuh kaei kaba la jia ha Lapalang ka sorkar haba kala ioh ia ka hukum ban pynpra kala leit tang katto katne ngut na ki bor ba dei khmih ryngkat bad katto katne ki Magistrate hynrei ha Umsawli pat la sakhi ba kala leit da ka kynhun kumban leit hiar thma ia ki trai jylla kiba sah ha katei ka jaka. Na ka liang ka seng ka pan ia ka “Open Challenge” ia ka sorkar ba lada ka sorkar kam nud ban leh eiei ka tieng ka khawpud bad ka pyndem tdong ha ki bar jylla kiba la shu sah be-aiñ ailad ia ka seng tang shi sngi ban pynmadan lut ia kine ki jaka kiba sah be-aiñ ki bar jylla. Namar ngim lah ban shu sngap ia ka jingthombor jong ka sorkar.
Hapoh Laitumkhrah ha ki bynta ba sah ki bar jylla ha Gora Line, ka sorkar ha ka jaka ba kan leit ban kyndang ia ki briew kiba sah beaiñ ha katei ka jaka hynrei ka sorkar kala ai jingiada pynban ia ki, bad lada dei ba kiba sah ha katei ka jaka kidei ki trai jylla ka sorkar naduh mynno kaladep ban jynrat lut ia ki iing ki sem. Kane ka pawshai kdar ba dei ka sorkar hi kaba long ‘Communal’ bad bunsien pat la shu kynnoh ba dei ki sengbhalang kiba long Communal hynrei mynta dei hi ka sorkar kaba sdang. Te lada ka sorkar ka kloi ban sdang ngi kloi ban bud ba lada uwei u thyrnia u sdang u ksai u suk ban bud.
Hakajuh ka por ngi sngew ban ong ruh ba ka MUDA ka leh aiu ia ka jaka kiba ki bar jylla ki sah hato maka ka don ia ka jingthmu ban rat dyngkhong bad ban pynpra ia ki iing ki sem ne ka don ia ka jingthmu ban pynjot pynpra tang ia ki trai shnong ban kylla long kiba shah beh shnong hala ka jong ka ri,ngi sngewba kane ka jingleh ka sorkar ka long arsap bad ka pawshai kdar ba ka Sorkar MUA kaba baroh ki ong ka Meghalaya United Alliance hynrei ngim khot shuh kumta hynrei ngin khot noh Mynder United Army namar ka pawshai ba ka sorkar kam iada ia u trai jylla hynrei ka thombor ia ki trai jylla.
Ngi kyntu ia u paidbah ba ka por kala dei ba kam dei shuh ia ngi ban shuh iakren ne ia thnum hapoh iing has em hynrei kaladei ka por ia ngi ban mih sha madan ban pynpaw ban leh eiei ia kine ki jingiuhroit ka sorkar na ka por sha ka por.
Lada kine kiei kiei kin dang iai jia ka sorkar hi kadei ban shim ia ka jingkitkhlieh bad lada jia eiei ka sorkar kam dei ban mushlia bad kam dei ban tuklar namar ngin nym lah ban shu peit tang da ki khmat ia ka jingleh arsap bad ia ka jingthombor ka sorkar ia ki trai jylla. Baroh ki myntri sorkar kiba don ha ka sorkar ba ialam u Dr Mukul Sangma kidei ban shim ka jingkitkhlieh halor ka jingpynjot pynpra ia ki iing ki sem jong ki paradoh parasnam hangtei ha Umsawli bad dei ruh ban shim ia ka jingkitkhlieh lada jia kano kano ia ki briew jong ngi kiba sah ha kino kino ki bynta jong ka bri u hynniewtrep.
Jin lada dei ba shah leh ki bar jylla kumto nga thrai ba bun na ki nongmihkhmat kiba don hapoh ka sorkar khamtam kiba dei peit ia ka tnad MUDA dalade kila leit ha katei ka jaka ban ai jingiada ia ki bar jylla, ngi sngew bynniaw ba ym shy la leit ha katei ka jaka ban iada iala ki jong ki briew hynrei la phah pynban da ki bor pulit(SP News)
