Williamnagar, Kyllalyngkot 27: Ka jinglong jingman ka shong suk shongsain kumba ka long mynta ha Garo Hills kala pynlong ia ka sorkar ba kan sngewkhia bad na ka liang jong ka sorkar ka la shim ia ka rai ban ialeh ban wanrah biang ia ka jingshong suk, ia kane la kren da u myntri ka tand kam kit kam bah ka jylla u Bah HDR LYngdoh ha ka jingkyntiew ia ka lama jong ka Ri India ha Williamnagar.
Ha ka jingkren jong u myntri u la kyntu ia ki seng lehnoh ba kin wan sha ka miej jingiakren bad ka sorkar na ka bynta ban wanrah ia ka shong suk shongsain ha ka ka jylla bad khamtam eh ha ri lum Garo. Ha ka juh ka por u la kyrpad ia ki paidbah bakin ia treilang bad ka sorkar.
Haba ia dei bad ki kam pyntriem jong ka seng lehnoh GNLA bad ka seng ANVC, u la ong ba ka sorkar kala kut jingmud ban ia leh pyrshah ia kin a ka bynta ban wanrah ia ka jingshong suk ha ka jyklla.
Ha ka juh ka por u la ong ba ka jingiasoi ia ka soskular ia suk hapdeng ka seng lehnoh ANVC, ka sorkar jylla bad ka sorkar pdeng ki lah ban pyndep noh shuwa ba kan poi ka election MP, ha ka juh ka por u la kyntu ia ka seng GNLA bakin san sha ka jingiakren ia suk.
U myntri u la ong ba ka jingiaumsnam ka wanrah tang ka jingeh suda ia ki paidbah bad ia ka jylla. Haba ia dei bad ka jingdawa ia ka ILP u myntri u la ong ba kane kan ktah ia ka jingkiew jong ka jylla ha kiba bun ki liang, u la ong don kam da kiwei ki lad ki lynti kumno ban ia iada na ka jingwan tuid jong ki briew kiba na bar ynda kaba pyntrei kam ia ka ILP.
Na ka liang jong u myntri kam kit kam bah u la ong ba ka jylla ka la sdang ban kiew ha kiba bun ki liang ha ka jingialam jong u Dr Mukul Sangma kum u myntri rangbah ka jylla. La ong ba ka sorkar kala shim ia ka rai ban kyntiew ia ki kam pynroi sha ki nongkyndong.(SP News)
