Shillong, Nailar 11: U myntri rangbah ka jylla u Dr Mukul Sangma u la ong ba ka sorkar mynta ka dang pynkhreh kumno ban jied ia ki briew ban wan kit ia u shini sha kane ka jylla namar ka sorkar pdeng mynta ka la aiti ia kane ka sorkar sha ki sorkar jylla ban thied na ki iew paidbah.
Haba jubab ia ki jingkylli u mytntri rangbah ka jylla u la ong ba ka sorkar ka dang peit kumno ban leh ia kane ka kam ban pynioh sha ki paidbah ia u shini u ba bha.
Ha ka por ba ka FCI ka dang wanrah ia u shini sha kane ka jylla ki paidbah ki juh khnium na ka por sha ka por ba u shini u sinew bad ym long ban dih ki briew. Halor kane na ka liang jong ka sorkar ka daw kwah ban pynioh ia ki paidbah ia u shini u bha bha.
Ka sorkar mynta ka la pyrkhat ban sam sha ki paidbah da u shini ba la song ban lait na ka jingduh. Hynrei na ka liang jong u myntri rangbah ym shym la batai bniah u la ong ba ka sorkar ka dang peit bniah mynta.(SP News)
