Shillong Nailar 16: Ka jingpynlait khubor jong ka Chanel 9x mynta ka sngi ha kaba ia dei bad ka jingshah rah bor jong ka plane jong ka Ri India na Khatmandu sha Kandhar ha u snem 1999 ka la pynlyngoh ia baroh ba ia ka plan baroh la leh ha ka Nongbah Shillong katkum ka jingujor jong u Uma Shankar Mishara.
Halor katei ka khubor na ka Myntri kam poh iing ka jylla Meghalaya ka kong Roshan Warjri ka la ong ba ka sorkar kan sa phah tohkit ia kane ban ong kumne kumne ka dang eh namar kim pat iohi ia ka kaiphot kaba shai.
Na ka liang jong u Director General jong ki pulit ka jylla Meghalaya u la ong ba ia kane yn nym lah ban ong ei ei namar ki hap ban ai ia ka jingthoh sha ka sorkar halor katei ka khubor kaba mih mynta ka sngi.
U Bah WMS Pariat Chief Secretary jong ka jylla u la ong bay m pat iohi ia kata ka khubor yn nym lah ban ong ei ei hynrei lada ka long shisha kumta yn sa peit bad bishar bniah ia kata ka khubor.
Ka nongisait ian ka Poonam Yadav kaba la shah kynnoh ha katei ka khubor ka la ong ba kane ka jingujor baroh ka dei ba la leh da u wei u briew u ba la tip kyrteng kum u Uma Shankar Mishara, ka la ong ba ngam don bynta ei ei ruh em ha katei ka jingjia.
Katkum ka jingai jingtip jong u Uma Shankar Mishara sha ka sorkar ha ka 29 Nailur 1999 84 sngi shuwa ba katei ka jingshah rahbor ka eroplane bad ia kane ka shithi la ai sha u Chief Secretary jong ka sorkar Meghalaya. (SP News)
