Shillong, Jylliew 17: Ka sorkar Meghalaya ka la phah ar ngut ki briew jong ka ban kin long ki dkhot jong ka “Board of Governor “ hapoh jong ka CMJ Umiversity na ka liang jong ka sorkar bad kita ki long u Bah W Khyllep bad u T Marak.
Ka jingphah ka sorkar ia kine ki ar ngut ka long ha ka 16 th Naitung 2010 bad haduh mynta ka sorkar kam pat pynkylla ia kine ki ar ngut. U Bah Khyllep ha katei ka por u long kum u Director of Higher and Technical education bad u Marak u dei u ba la shong thait na ka kam Director of Elementary and Mass Education.
Ia ka kyrteng jong kine ki ar ngut ki briew ki ban mih khmat ia ka sorkar sha ka CMJ University la pynmih da ka jingthoh na ka tnad pule puthi jong ka sorkar bad la “ Kine ki ba la phah haneng ki dei kiba la ioh ia ka jingbit na ki bor ba dei peit”.
Ka shithi kaba la phah da ka tand pule puthi sha ka CMJ University ka long katkum kane ka shithi No.EDN.142/2009/69.(SP News)
