Shillong, Nailur 27: Ka sorkar Meghalaya ka la ialeh ban tehlakam ia kane ka jingwantuid jong ki bar jylla sh
a kane ka jylla naduh ba dang shuioh ia ka jylla bapura ha u snem 1972.
Ha u snem 1973 ka iing dorbar thawain ka jylla ka la pass ia ka bill kaba la tip kum ka “The Meghalaya Residential Permit Bill, 1973”, bad ka bill number Bill No.24 of 1973. hadien ba la pass ia kane ka Bill la phah sha u Lat ka jylla ban un ai ia ka jingmynjur ka jong u.
Ka iing dorbar jong ka jylla Meghalaya ka la pass I akane ka Bill ha ka khatlai tarik jong u bnai Nohprah jong u snem 1973. Ha dien ba la pass ia kane ka Bill la phah sha u Lallan Prasad Singh u ba deu u lat ka jylla ha katei ka por. Na ka liang jong u lat ha dien ba u la peit bniah ia kane ka bill u la thoh kumne, “ I reserved the Bill for the consideration of the President” ( Nga buh ia kane ka bill na ka bynta ba u president jong ka Ri India ym bishar bniah).
Haba ia dei bad ka tei ka Bill la phah sha u president jong ka Ri India katkum ka shithi number letter No LL.140/73/30, dated 19th March 1974. kane ka jingphah ia kane ka Bill sha u president ka long ba yn peit bniah ia ka. Na ka liang jong u president ha dien ba u la bisahr bniah ia ka ha ka 24 tarik Kyllalyngkot 1975 u la pynphai noh ia ka bill da kaba ong, “ I withhold my assent from the Bill.” ( Ngan nym ai ia ka jingmynjur ka jong nga ia kane ka Bill).
Ha ka shithi kaba la phah sah na ka tnad kam poh iing jong ka sorkar pdeng sha ka sorkar Meghalaya na ka liang jong u Under Secretary u la kdew ba ia ka Meghalaya Residential Permit Bill, 1973 la pynphai noh namar kam shym hap hapoh jong ka Seventh Schedule kaba hapoh ka kyndon kaba 81. Ha kane ka bynta ka iing dorbar jong ka sorkar jylla kan nym lah ban shna ain.
Ia kane ka Bill la kyntait ban sign da u president jong ka Ri India katkum ka riti synshar jong ka Ri India hapoh ka article 201. Ban pynlong ia kane ka jingthoh kaba shisha la bthah ia ka sorkar jylla ba kan pdiang ia kane ka jingpynphai noh ia ka Bill.(SP News)
