Tura, Kyllalyngkot 30: U myntri rangbah ka jylla Meghalaya u Dr Mukul Sangma haba kren ha ka tamasa ban pyniiala ki jong ki sahd tynrai kaba la long ha Betasing u la ong ba ka sorkar ka la rai ban pynlong ia ka jylla Meghalaya kum ka pdeng jngohkai pyrthei.
Ha kaba ia dei bad ka jingpynneh pynsah ia la ka jong ka Riti ka Dustur u la ong ba ka sorkar kan buh ia ka jaka ai jinghikai ha baroh ki block ban hikai kumno ban pynneh pynsah ia ki jingtem tynrai.
Na ka bynta ban pynphirang ia ka jylla Meghalaya sha ka pyrthei, ka sorkar mynta ka dang wad ia ki lad ki lynti kumno ban pynlong ia ka jylla Meghalaya kum ka jaka ba kin briew kin wan ha ka por tlang lane ha u snem thymmai.
Ha kane ka sngi haba kren ha kane ka jingialang paidbah u la ong ba ka dei ka kamram jong u wei pa u wei ban peit ba ia ka tynrai la jong dei ban pynneh pynsah. Ha ka juh ka por u la ong ba ka kam jngohkai pyrthei ka dei kawei na ki lad ban kyntiew ia ka ioh ka kot jong ki paidbah.
Ia kane ka tamasa yn leit ban pynkut da u Lat jong ka jylla u Dr K K Paul bad kane kan long ka sien kaba nyngkong ia u Lat jong ka jylla ban un leit sha katei ka thain Garo Hills ha dien ba u la shim ti kum u Lat jong ka jylla.(SP News)
