Shillong, Jylliew 13: Ka seng samla pule jong ka North Khasi Hills Student Union kala dawa na ka myntri ka tnad kam poh iing kong Roshan Warjri ba ka sorkar Meghalaya kam dei shuh ban burom ia ka status quo namar ka sorkar Assam kam burom ha kaba ia dei bad ka jing ia kajia pud hapdeng kine ki jylla.
Ha kane ka jingiakren bad ka myntri kam poh iing na ka liang jong ka KSU ka la ong ia ka myntri ba ka dei ban pynkhlain ia ki lad jingiada ia ki briew ha ki khappud bad jylla Assam da kaba buh ia ki out post , kiba hap hapoh ka hima nongspung bad ha ka raid Nongtung.
Kumba ka long mynta ka jylla Assam ka wan ban shna ia ki iing ki sem bad kiwei ki kam pynroi, kane ka dei ka buit jong ka sorkar Assam ba suki kin ioh ban kam ia kitei ki jaka. Kumba ka long mynta ka gate ha Sabuda kaba la buh da ka Karbi Anglong District Council ka khrong ia ki kali ba iaid ba ieng.
Ka seng ka kwah ba ia kane kakam pynbeit pud dei ban pyndep noh kloi. Ha kane ka jingiakynduh na ka liang jong ka myntri kam poh iing ka jylla ka la shah skhor bad ka la ong ba ka sorkar ka shim khia ia kane ka kam.(SP News)
