Shillong, Risaw 31: Ka seng ki synjuk ki rangbah shnong jong kane ka nongbah Shillong mynta ka sngi ki la phah da ka jingthoh sha ka sorkar ba kin nym leit ban ia shim bynta ha ka jingialang ha Yojana Bhavan ban ia phylliew jingmud halor ka “Meghalaya Regulation of Landlords and Verification of Tenants Bill” kaban long la shai ka sngi.
U Bah R Blah haba kren sha u SP News Agency u la ong ba ka dei ka jingshisha ba mynta ka sngi ki la leit ban ai da ka jingthoh sha ka sorkar ba kin nym leit ban ia shim bynta ha katei ka jingialang ban ia kren halor katei ka Bill jong ka sorkar ia kaba yn plied a u myntri rangbah la shai ka sngi.
Na ka liang jong ka sorkar jylla ka la thung ia ka ministerial Committee kaba la khlieh da u myntri ka tand kam khlaw u Bah Prestone Tynsong ban ia mir jingmud bad ki paidbah ka jylla ban pan jingmud ha kaba ia dei bad ka bill kaba ka sorkart ka la dep ban pynkhreh.ia kaba la tip kum ka “Meghalaya Regulation of Landlords and Verification of Tenants Bill”.
Na ka liang jong ka sorkar ka kwah ban ioh ia ka jingai jingmud jong ki paidbah ha kaba ia dei bad katei ka kam da kaba khot ia ki jingialang ban ia phylliew jingmud da kaba pynlong ia ka jingialang kaba kyrpang bad ki khlieh nongsynshar, ki sentg bhalang bad ki riew paidbah ha baroh ki District ha ka jylla. (SP News)
