Shillong, Naiwieng 25: Ka St. Mary’s Collegekan pynkut ia ka jingrakh
e ia ka platinum jubilee ha ka 30 tarik mynta u bnai ha kaba u Lat jong ka jylla u Dr K K Paul yn sa long u kongsan ban khang ia kane ka jingleh kmen.
Ka phang pdengjong kane ka jingleh kmen ia ka jingdap 75 snemjong ka college ka long “pyndonburom ia ka tynrai, ha ka jingialeh ban kam sha ka juk kaba thymmai”.
Kum ka jingrakhe ia kane ka jingdap 75 snem jong ka college ki la don bun ki jingialehkai kum ki jingiakop dro, national seminar bad shibun kiwei kiwei ki jingleh pyndon burom kiba shongkun.
Ka Saint Mary’s College ka dei kawei na ki jaka pule kaba la paw bha ha kane ka thain shatei lam mih ngi jong ka Ri India bad ha ka Ri India hu ruh baroh kawei, ia kane ka jaka la pyniaid da ki sister Our lady of the Missions lane la juh khot iaki kum ki sister.
Dei ha u snem 1936 ki kynhun sister kiba la aiti ia lade met bad mynsiem kum ka sister Mother M. St. Eusebius Ryder, Mother M. Catherine Bologna, Mother M. St. Munich bad ka Mother M. St. Candide, la ai bor ia ki ba kin seng ia kane ka College kumba ka long mynta.
Ia ka St. Mary’s College la pynlongdoh long snam ha u snem ha kane ka nongbah shillong ha u snem 1937. Ia ka la seng lyngba ka ain bad la registered ia ka da ka Memorandum of Association jong katei ka seng ia sylok niam Congregation under Act XXI jong ka snem 1860 ha u Naitung 1973, la pdiang ia ka da ka management jong ka college.
Naduh ba la seng ia ka kane ka college kala kiew ha kiba bun ki liang bad la lah ban plie ia ki shnat pule bapher bapher na ka bynta ka jingmyntoi jong ki samla pule kane ka thain bad khamtam eh ia ki briew jong kane ka jylla Meghalaya.(SP News)
