Tura, Lber 27: U shnongknor ba mynshuwa jong ka Lok Sabha u ba dei ruh u president jong ka seng National People’s Party (NPP) u ba ia khun ia kane ka MP election na 2-Tura LS Purno Agitok Sangma ha ka jingialap elelction ka jong u u la ong ba ka long kaba don kam ban ioh ia ka jylla Garoland bad ia kane ka jylla dei ban kynthup ia ki san tylli ki District jong ka Garo Hills.
U ne u nongialam jong ka seng NPP mynta ka sngi u la pynlong lai tylli ki jingialang paidbah ha East Garo Hills, ha ki jaka, ha Williamnagar, Rongsak bad Rombagre, ha kine ki jaka kiba u leit ban ialap elelction u la ong ba ka sur jong u paidbah ka kham jam ban ia ki ktang suloi AK 47. U ne u nongialam u la ong ba ki paidbah ki dei ban wan sha khmat ban dawa na ka bynta ban ia kren ia suk na ka bynta ban iakhun ban ioh ia ka jylla Garoland.
Ha kane ka jingialang paidbah u la kynthoh pyrshah ia ka seng congress namar ki policy kiba la ktah ia ki paidbah. U la ong ba lada ki paidbah ki kren ia ka sur jong ki ynsa ioh sngew, u la ong ba lada jied ia ka NPP ka mud ki jied ia ka jingialeh Garoland.
Na ka liang jong u Purno u la ong, hato ki paidbah kin jiet ia ka pisa, ka kyiad ne ia ka jingialeh na ka bynta ka Garoland?. U la ong ba lada ioh ia la ka jong ka jylla ka dei ka jingsarong ia ki kum ka jaidbynriew namar ki don ia la ka jong ka tynrai. U la ban biang ba ka jingdawa Garoland kan long ha ki san tylli ki District jong ka Garo Hills.
U la ong ba ka NPP kan nym pdiang ia ka jingai kumba la leh ia ka Bodo territorial council kumba la dawa da ka seng ANVC.(SP News)
