Shillong, Jymmang 13: U Secretary ka tnad ka koit ka khhiah jong ka sorkar Meghalaya u la ong ba na ka liang jong ka ophis ka khlem phah iano iano ruh ban leit ia kynduh ia u rangbah shnong ka Dawki mynta ka sngi.
Haka juh ka por la iathuh ha u SP News Agency ba leh se ki lah ban phah na ka ophis jong ka ICICI Lombard Company ha dien ba ka la don kato ka jigmih khubor na ka liang jong u Secretary u la kren shai kdar ba ka ophis kam shym phah iano iano ruh ban leit ia kynduh ia u rangbah shnong ka Dawki.
Na ka liang jong u Abishek u ba dei peit ia ka ICICI Lombard company ha kane ka jylla Meghalaya, u la ong ba ia kane u dang hap ban wad jingtip namar ki la don bun ki briew kiba ia trei ym lah shuh ban tip mano ba leit bad mano ba phah lada ka don.
Katba na ka liang jong u Rangbah shnong ka Dawki u Bah M Ryngksai u la iathuh ba mynta ka sngi la leit mih uwei u briew u ba kam ia lade ba la phah da u Secretary ka tnad ka koit ka khiah ban ia kren ia kane ka kam ha kaba u la kren shai ba ia ka skhim yn shym pyrshah hynrei u kwah jingshai ha kaba ia dei bad ka Panchayat, halor jong ka skhim, balei la pyndon kam ia ki nongtrei SSA.
Ka jingpynshai ka dei ban leit sha ki Deputy Commissioner jong ka East bad West Jaintia Hills, sha u Sub Divisional officer bad ki rangbah shnong, kam dei ban long tang ha u shimet, la phah ktien kylliang u Rangbah Shnong ka Dawki bad u la ong ba kumba mih ha ki kot khubor katei ka jingkwah jingpynshai na ka liang jong u.(SP News)
