Shillong, Naitung 29: Ki nongialam jong ka seng UDP mynta ka sngi ki la leit sha ka shnong Sabuda ban ioh ia ka jingtip kaba kham bniah na ki paidbah ha kaba ia dei bad ka tei ka jingjia ha katei ka shnong ha kaba ka jylla Assam ka la wan leh donbor.
Ia kane kynhun jong ka UDP la ialam da u Working President jong ka seng u Bah Paul Lyngdoh, ha kaba la don lang u bah Hamlet Dohling, u Bah A Dkhar bad na ka liang jong ka KSU Noth Khasi Hills ruh kala leit lang sha katei ka shnong.
Ha ka jingiakynduh ia ki paidbah katei ka thain mynta ka sngi ha ka jingialang kaba la long ha Sabuda naka liang jong u Bah Paul Lyngdoh u la ong ba kum ka seng kan sa thoh sha ka sorkar ban dawa ba dei ban pynbiang ia ki pulit pahara haki shnong khappud Assam-Meghalaya.
Na ka liang jong UDP ka la air uh ki jingiarap ia ki paidbah katei ka shnong kum ka jingiasnoh kti lang halor ka jingeh kaba ki la ia kynduh. (SP News)
