Shillong, Rymphang 11: U Bah Harkin Warjri u ba la phet na ka seng Congress bad pyniasoh bad ka seng UDP na ka Mawkynrew Constituency u la kam mynta ka sngi ba ha kane ka MDC kaba mynta u kyrtong ka UDP U Bah Remington Pyngrope yn dang jop biang ia kane ka election kaban long ha ka 24 tarik mynta u bnai.
Haba kren ha ki nongthoh khubor ha Shillong Press Club u tei u nongialam ka seng Congress ba mynshuwa u ba la bat ia ka kyrdan Youth President na katei ka jaka u la kynnoh ba ka seng Congress kam shym la peit la jngoh ia katei ka jaka kaba dang sah dien.
Une u rangbah u la kam shuh shuh ba ki nongkyrshan jong ka seng Congress mynta kila ia mih bad pyniasoh ia lade bad ka seng UDP, une u rangbah u la kam ba kiba la mih mynta ka seng Congress ki long palat ia ka lai hajar ngut.
Ha ka juh ka por u Bah Warjri u la pynksan ia lade da kaba kam ba palat ia ka 80 percent ki paidbah na katei ka jaka kila kyrshan ia u kyrtong ka seng UDP.(SP News)
