Shillong, Nailar 08 : U Additional Director General jong ki Pulit ba dei peit ia ka jingpynrung kam hapoh ka 6th battalion u Bah B L Buam u la pynshai paidbah halor ka jingkynnoh jong ka seng Hynniewtrep National Youth Front (HNYF) Central Body lem bad ki kmie ki kpa jong ki samla kiba la ia khun ia katei ka kam pulit.
Na ka liangjong u tei u heh u la ong ba kam shym don kano kano ka jingleh bakla namar ba baroh la leh lyngba jong ki kor ki bor ban nym lah ban shukor ha kaba jied ia ki samla ha ka AD bad UB ha katei ka kynhun pulit kaba thymmai.
Haba por ba la pynlong ia kane ka jingjied ia ki samla naduh bas dang haduh ba kin da pynlong ia ka personal interview kaban long ha ka 12 tarik mynta u bnai la leh da ka jingiarap jong ki mashin ha kaba yn nym don bal ah ban shukor ha kaba la buh lut ha ka bui ia baroh kawei kaba ki leh.
Ia ka interview ka ban long ha kine ki sngi ruh yn leh ha ka khmat jong ki CCTV kane ka long ban lait na ka jingshah kynnoh baroh. Na ka liang jong ka tnad pulit kan leh ia kane ka interview katkum ka juk stad kaba mynta ha kaba yn nym lah ban shukor.(SP News)
