Shillong, Naiwieng 21: Ka HMYWO ka Dap da ka jing sngewkhia kaba khraw halor ka jingleh mynthi bad leh bym suit niew jong ka Office Directorate of Tourism Department, Govt. ka jylla Meghalaya ban ai jubab bad Jingpynshai halor ka Jing Pan jingpynshai bala phah da ka Office jong u Syiem ka Hima Mylliem halor ka jing kam Trai bad kam Nongkynti jong ka Office Directorate of Tourism Department ia ka jaka ha Dak Bangla kaba don ha Lum Shyllong.Kum ban shu pynkynmaw hangne ba ka HMYWO ha ryngkat ka jingkyrshan lang jong ka Seng Samla Rngi Shyllong bad na ka liang jong ka FKJGP Upper-Shillong Circle ha ka 26th July 2012 ki la phah ka jingujor bad pan jing pynshai na ka Dorbar u Syiem ka Hima Mylliem halor ka Nongrim “Mano ba Long trai ia katei ka jaka ha Dak Bangla kaba don ha Lum Shyllong.
Ki Lai Seng (HMYWO, SSRS & FKJGP Upper-Shillong Circle) kila phah ia katei ka jingujor sha Ing Dorbar jong u Syiem ka Hima Mylliem dei hadien ba na ka liang jong ka HMYWO ha ryngkat bad ki Nongialam jong ka FKJGP Upper-Shillong Circle ha ka jingleit jurip ba khah khah ha kitei ki por kum shibynta ruh ban Teh Lakam ia ki Kam Sniew bad ki Kam bymman ba la leh da ki katto katne ki Riew Shim kabu kaba la pynhiar dor ia ka Akor ka burom jong u Khun Khasi bad Khein Dew Thala ia ka jing long kyntang jong u Lum Shyllong.
Hynrei kyndit kynsan la iohi pynban ia ka Sign board ba la wan thung da ka Office Directorate of Tourism Department, Govt. of Meghalaya kaba la thoh ruh ha katei ka Sign board la thoh kumne : “This Property belong to the Office Directorate of Tourism Department, Govt. of Meghalaya”. Kane ka la pyn shaiong ia ki Nongialam jong ka HMYWO bad kumjuh ruh ia ki Nongialam jong ka FKJGP Upper-Shillong Circle namar naduh ki por hyndai hynthai ia kitei ki jaka ha ki bynta jong u Lum Shyllong la Ri la Sumar bad pynneh pynsah da ka Ing Dorbar u Syiem ka Hima Mylliem ha kaba la buh ruh ia ki jing maham lane kita ki kyndon ia ki Nongleh kam bymman.
Kum shibynta na ka jing shim khia jong u Syiem ka Hima Mylleim ha ka 13th August 2012 katkum ka shithi No : MS/V-30/2008/1455-60 ka Ing Dorbar jong ka Hima ki la phah da ka jingthoh sha ka Office u Director Tourism Department ban pan jing pynshai ha ryngkat ki sakhi satar lyngba ki kot ki sla kiba biang ban pynshisha ia ka jing kam trai jong ka Department ia katei ka jaka, hynrei ka ba sngew lyngngoh ka long ba katei ka Office Sorkar ka Sngap mynthi pynban khlem da ai satia ia ka jubab, bad kane ka jingle kala pynsuba sniew iaka Seng ba lehse ka don kaei re kaei kaba sha lyndet halor katei ka jing kam Trai jong ka Tourism Department.
Kumta ka Seng kala rai ban iai bud dien ia kane ka kam bad ha kajuh ka por ka Dawa ruh na katei ka Department ba kadei ban pynshai mardor da ki jubab kiba shai sha ka Office jong u Syiem ka Hima Mylliem bad ka Durbar lym kumta ka Seng kam banse ban lum syndon da ka jingialang Paidbah halor jong katei ka bynta bad Ngin sa shim ia ka rai ha ryngkat ki Paidbah Nong Shong Shnong jong ka Hima hi baroh kawei la ong u Bah Midnight president jong ka seng.
Na ka liang jong ka Ka FKJGP Upper Shillong Circle ka ai ka jingkyrshan kaba pura ia ka jing dawa jong ka Hima Mylliem Youth Welfare Organisation (HMYWO) ba ka tnad Sorkar jong ka Tourism Department ka dei ban Jubab mardor halor ka shithi ba la phah da ka Office u Syiem ka Hima Mylliem halor ka jing kam Trai ia ka jaka kaba don ha Dak Bangla, Lum Shyllong.
Khnang ba kan ym buh ia ki Paidbah ha ka Umdum, namar baroh shi katta haba ki kam Bymman bad ki jing jia kiba isaitmet ki ju jia na ka por sha ka por khamtam eh ha ki sngi shuti bad ki por janmiet bad ha ki por miet ruh kumjuh dei ka FKJGP, HMYWO bad ki bor jong ka Hima Mylleim kiba ju long ki Nong Peit Pyrman bad ki bym ju khein satia ia ka miet ka iong ban teh lakam khnang ban wanrah ia ka Shong Suk Shong Shngain ha ka Thain hi baroh kawei.
Hynrei kyndit kyndit kum ba ioh iuh tdong bsein la iohi pynban ia ka Sign board la thoh “This Property belong to the Office Directorate of Tourism Department, Govt. of Meghalaya”. Hooid kum ka Seng kam kwah satia ban tuklar hynrei dei ban long da kaba shai ia kiei kiei baroh khnang ba lada ka Seng ka ioh ia kino kino ki jingujor lane ioh jingtip ia ki jing jia hadien habud khamtam eh ha kitei ki jaka khnang ba kum ka Seng kan ioh ban pyntip paidbah lada don kiba kum kita dei ban leit beit sha ki bor kiba dei khmih khnang bakan ymbuh jingeh satia ia ki Paidbah. Donald Nongsteng General Secretary FKJGPUpper-Shillong Circle.(SP News)
