Jowai, Naiwieng , 26:Ymlah ban len ba ka ka jingsniew dur ka surok ka long lajan ha barohkawei ka jylla Meghalaya. Ha kylleng ki jaka hapoh Meghalaya ngi iohisatang ki surok ba sniewdur suda bad kane ka jingeh la ud bad khniumlajan da uwei pa uwei u nongshong shnong ka Jylla. Kane ka jingsniewki surok ka pynpaw iaka jingbymler ka sorkar MUA II bad kymjuh iaka tnad PWD(Roads) ka jylla Meghalaya.
Napdeng kine baroh ka East Jaintia Hills District ka long kawei nakiDistrict ba shah ktah tam. Marsien rung sha katei ka District katanaduh Tuber-Sohshrieh ter ter haduh Malidor (khappud Assam) ladapsatang ki thliew ki syar suda habaroh shilynter ka surok NH44.
Kane ka jingsniewdur ka tei ka surok ka long ka jingleh rain iaka jyllabaroh kawei khamtam iaki nong mih khmat ka thain kata naduh ki MDC, MLA bad wat u MP ruh udei na katei hi ka thain.
Lah ban pynkynmaw ba bunsien naka liang ki Seng bhalang kum ka KSU,HANM bad HNPF kila dep pyllong wat daki jingiakhih kumka pakhangshnong bad pakhang surok miet ruh na ka bynta ban dawa naka sorkar banpynbha bad maramot ia katei tei ka surok hynrei ka sorkar kam sngap eiei badka lap miet pynban tang ha kaba shu kular kai iaki sengbhalang.Halor katei ka bynta naka liang ka Khasi Students Union Khliehriat Circle ruh sa shisien ka buh ka jingdawa kaba jur naka sorkar ban maramot noh mardor ia katei ka surok hapoh katei ka District.
Katkum ka kyrwoh bala pyllait da u Samla C. Suja General Secretary ka KSU Khliehriat Circle, ula pynpaw ia ka jingbynniaw ia ka jingiehkhunswet jong ka sorkar ia katei ka District wat la na katei ka Districtka sorkar ka la ioh lum iaki khajna babun tam hapoh ka jylla kata naduhki marpoh khyndew, ki Company Cement Factory bad naki dukan ki
barjylla.
Katkum ka kyrwoh naka KSU la ong ba ka jingsniew ka surok NH44 kham tam ki jaka ha ki bynta jong ka Lad Rymbai, ka buh shi sha ka jingma ia ka koit ka khiah ki paidbah nongleit nongwan naba jur ka jingpum pum jong ka tei ka surok.
Ka jingsniew ka surok ha ka tei ka District ka wan rah ia ka jingdheng kalibajur ha ka tei ka thain bad ka ne ka ktah ia ki paidbah bad leit donkam kyrkieh.Khatduh naka liang ka Seng ka dawa na ka sorkar ban maramot nohshisyndon ia ka tei ka surok lym kumta naka liang ka Seng kan iaidsha khmat da ki jingiakhih paidbah la pyn kut ka kyrwoh na u Samla C.Suja General Secy ka KSU Khliehriat Circle. (SP News)
