Shillong, Iaiong 26: Ka North Eastern Electric Power Corporation Limted (NNEPCO) naduh ka 26 tarik shiteng synia kala ot noh ia ka jingai bor ding electric sha ka Meghalaya Electrical Power Corporation na ka daw ba ka khlem siew ia ka bai light kaba la kot sha ka T.243.34 klur tyngka.
Ka kong Kathrin Rani kaba dei ka Senior manager Finance ka la iathuh ba kane ka jingot ia ka light kaba dei sha ka MeECL kan bteng katba kam pat siew ia ka pisa kaba dei ia ka bai light sha ka NEEPCO.
Katkum ki jingtip kiba la ioh da u SP News Agency ki iathuh ba shuwa ba ka NEEPCO ka ot noh ia kane ka bhah kaba dei sha ka jylla Meghalaya ka la dep thoh da ka shithi sha kibor ba dei peit ia ka MeECL bad la ai por ba kan siew ha lane shuwa ka 25 tarik mynta u bnai hynrei na ka liang jong ka MeCL kam shym siew. Na ka liang jong ka NEEPCO kan don lynti shuh da kumwei pat, hynrei ka shu ot noh iaka light kaba dei sha ka jylla Meghalaya.
Kumba ka paw mynta ka long ba ka jingle sting baroh ka dei naka sorkar Meghalaya bad ka MeECL ban leh ia kaba don kam, namar ha ka shithi kaba la phah sha ka MeECL ka la kren shai kdar ba lada kam pat lah ban siew ia ka pisa ruh ka dei ban pynkhreh ia ka skhim khang ba kane ka jingot ia ka light kan nym mih.(SP News)
