Tura, Nailar 20: Ka kynhun seng lehnoh GNLA mynta ka sngi ka la kawang bom ha ka shnong Jadi kaba hap hapoh jong ka Nangal Police Station. Ha kane ka jingkawang bom u wei u riew paidbah u la mynsaw.
Katkum ki lad khubor kiba la ioh la ong ba ki pulit jong ka East garo Hills ki la leit bran bran sha katei ka jaka ban thwet ia kitei kilehnoh bad ka jinjgthwet ka dang iaid mynta. Na ka liang jong ki pulit kiba la suba jur ba kiba la leh ia kane ka kam ka lah ban dei ka kynhun jong u Rakkam na jadigittam.
Kiwei ki tyllong khubor ki iathuh ba dangshen ka la don ka jingialang jong ki nongialam jong ka seng GNLA ha ka jaka kaba ym lah ban tip hapoh ka jingialam jong u Sohan D Shira ha kaba la don lang u Co-Chairman Hohoe Gatamra, General secretary Susonge Jakrimra bad u Pantere Singgasik u nongia khubor jong ka seng lehnoh bad ha kane ka jingialang la ong ba kin bteng ia ka jingialeh ka jong ki ban pynioh ia ka Garoland.(SP News)
