Tura Jylliew 30: Ka Meghalaya Basin Development Authority (MBDA) da ka jingiatreilang b
ad ka ophis jong ka East Garo Hills District Basin Unit kan pynlong ia ka tamasa pyninam ia u sohphan u ba mih na Garo Hills ha ka 11th bad 12th tarik jong u Naitung ban wan lyngba ka jong ka Meghalaya Integrated Basin Development and Livelihood Promotion Program (MIBDLP).
U Sohphan u dei u soh u ba khlem pyndon kam dawai bad ia kane ka bynta la leh klet ha kine ki snem baroh. Ka long kaba ym lah ban mudur ba 80% ia u sohphan ha Garo Hills la shu pynlehnoh ei kai khlem da pyndon kamha ka rukom kaba dei.
Na ka Detailed Project Report, kaba la dep shim jingkhien la lap ba tang ha East Garo Hills la pynsep ei haduh T.118 klur ia u sohphan bad lada shim baroh kawei ka Garo Hills la pynsep ei haduh haduh T.434 klur tyngka ha ka shisnem.
Ka jingpynlong ia kane ka Tamasa sohphan ka long ban pynsngewthuh ia ki briew ba lada pyndon kam ia u sohphan ha ka rukom kaba dei bad ban pyniaid iew ia u ka long ka lad kamai kaba khraw ia ki paidbah.
Ha kane ka tamasa kan don ruh ka jingiakop ban pyninam ia u sohphan ba heh tam ha ka pyrthei. Haduh mynta u soh phan ba heh tam ha ka pyrthei u don 34.4 klio ia kaba la pynlong ha Hawaiian.(SP News)
