Shillong, Lber 22: Ka myntri kam poh iing jong ka sorkar jylla ka kong Roshan Warjri haba jubab ia ka jingpan jingtip jong u MLA ka Chokpot halor ka jingleh don bor jong ki briew ka ANVC(B) ha iew chokpot, ka myntri ka la pynshai ba kine ki briew ki dei kinongtrei ba paw jong ka kynhun ANVC(B) ym ki dkhot jong ka ANVC(B).
Na ka liang jong ka myntri ka la iathuh ba la ioh ban kem ar ngut bad kita ki long u u L Marak bad u P Marak, na kine ki ar ngut la ioh ban knieh ia ka mobile bad la lap ia ka kyrteng jong u Pangseng u dkhot ba snar jong ka seng ANVC(B).
Ki pulit ki la phah ban phone ban ong ba u dei ban wan shim ia ka pisa na ka shnong Darong, ha ka jingwan ki la lap sngewthuh ba don ki pulit bad ha kane ka jaka ka la mih ka jingiasiat hapdeng ki pulit bad ki dkhot ka ANVC(B).
Haba ia dei bad ka jingdawa jong u MLA ba ki pulit ki dei ban iaid pahara ha ki sngi iew na ka liang jong ka myntri kala ong ba ka sorkar kan sa shim khia ia kane ka jingdawa jong u MLA katei ka jaka.(SP News)
