Shillong, Jymmang 28: Ki shipai BSF kiba don Tiewka ha thain Nongjri ki la ioh ban kurup shibun ka dawai Phensdyle bad ka la shongdor haduh T.13.34 lakh tyngka.
Kane ka jingioh kem jong ki BSF ka long ha dien ba ki la ioh ia ka jingtip kaba thikna. Na ka liang jong ki BSF ki la ap ktem bad kila kurup ia kine ki dawai phensdyle.
Ka jingioh kurup ia ki mar shallan tuh baroh ka long kaba jur bha bad dei na kane ka daw ba ki BSF ki kwah ia ka jingiatreilang jong ki BDR ban ia trei lang ban teh la kam ia ki kam khaiituh ha katei ka thain.(SP News)
