Dawki, Jylliew 23: Ka shnong Dawki ha ka 22 tarik mynta u bnai ka la ioh ban kem ia ki lai ngut ki khar Bangladesh katba ki dang iaid ban leit sha jingkieng Dawki. Kane ka jingkem ia ki ka long ha dien ba ka shnong ka la ipher ia ka iaid ka ieng ka jong ki.
Kine ki lai ngut kiba la shah kem ki long u Rashel Muhamad , u Akram Ahamed bad u Kajal Ahamed baroh ki dei na ka shnong Jaflang kaba hap hapoh jong ka Shylhet District. Ia kine la aiti sha ki pulit ban tohkit.
Katkum ka jingiathuh jong ki trai shnong ki ong ba kine ki lai ngut ki dei kiba dang hapoh ka 20 snem bad kaba la pynlong ia ki ba kumno ki ioh ban rung sha India khlem da biang ki kot ki sla bad ki bor ba dei peit ia ka khappud ki leh aiu.(SP News)
