Shillong, Lber 05: Ki shipai BSF na ka por sha ka por ki la kem ia ki khar Bangladesh kiba wan na Bangladesh lane kiba leit sha Bangladesh, hynrei na ka liang jong ka sorkar jylla pat ka sngap jar jar.
Mynta ka sngi ki BSF ki la ioh ban kem ia 6 ngut ki khar Bangladesh katba ki dang thmu ban leit phai sha la ka jong ka Ri ia kine la kem nas Jaintia Hills ha ka jingtohkit jong ki BSF ki la phla ba ki la wan sha Meghalaya ban trei ha ki karkhana shna Dewbilat kiba don ha Jaintia Hills.
Kane ka jingkem jong ki shipai BSF ia ki Bangladesh ka la long man ka por bad kine ki juh ki briew ynda ki la ioh ban rung na katei ka jaka ki sa kriah sha kiwei ki bynta jong ka jylla Meghalaya bad ki nongai kam ia ki ki kmen bha namar ki ioh ia ki nongbylla ha ka dor kaba tad.(SP News)
