Shillong, Kyllalyngkot 01: Katba ka pyrthei baroh kawei ka dang pynkhreh ban pdiang burom ia ka jingwan jong u snem thymmai 2013, ki lehnoh ULFA pat ki dang shim kabu ban rung sha India na Bangladesh. Hynrei da ka jinglong peitnor jong ki shipai BSF la ioh ban kem ia u Gorango Hajong ba dang 25 snem ka rta u ba dei u briew jong katei ka seng lehnoh.
Ha kane ka jingioh kem na ka liang jong ki BSF ki la lap na ka mobile ba ki don ki heh jong ka Bangladesh kiba don kyrteng ha kane ka Mobile bad na ka liang jong ki BSF ki shim ba ka don ka jingiadei kaba jan hapdeng ki briew jong ka Bangladesh bad ki briew jong kane ka seng.
Na une u briew la ioh ban kurup ka pisa T.30000/- tyngka. Nalor ka pisa la ioh ruh ia ki dawai kuli kiba long ki kyja drugs kiba rem dor na ka liang jong ki BSF ki la aiti ia une briew sha ki bor jong ka ain ban tian bihsar kat ba shah ka kam.(SP News)
