Shillong, Nohprah 05: Ha dien ba la ioh ia ka jingtip kaba thikna na ka liang jong ki shipai BSF bad ki pulit jong ka jylla Meghalaya ki la leit ban khynra ia ki thain Borsora, Lailad bad Rajaju kaba hap hapoh jong ka South West Khasi Hills District ha kane ka jingkhynra ki la ioh ban kem ia u Mithun M Sangma u ba la wan sha katei ka jaka ban lum ia ka pisa kaba dei jong ka seng ANVC(B).
Une u dkhot jong ka ANVC(B) haba phlaha ki pulit u la iathuh ba la phah ia u ban un poi ha kitei ki jaka par dewiong ban wan lum ia ka pisa kaba dei na ki nongkhaii dewiong bad shuwa bay n wan u la ioh ia ka jinghikai kumno ban pyndon kam ia ki tiar ialeh ha kawei ka khlaw kaba don ha Balpakram.
La iathuh ba ia u la phah ban wan sha kine ki jaka ba don par dewiong da ki nongialam jong ka seng ha dien ki saw bnai lynter kiba la pyndep ia ki jinghikai kiba la ai da ki nongialam jong ka seng.(SP News)
